PAMBANSANG BAYANI

Ikaw ay aking nakita

Na pinagmulan ng lahat

Pinagmasdan, nakilala, kinaibigan

Naging malapit, nagkwentuhan

Hanggang sa lumalim ng lumalim

At ang pagtingin ay naging iba

Ang kaibiga’y napunta sa paghanga

Susulyap sulyap, ngingiti-ngiti

Hinihintay pagdating at pag-uwi

At inalam lahat ng iyong gusto

Paboritong kulay, paboritong tinapay

Kasama na din ang mga iyong mga ayaw

Hiningi iyong numero

At hanggang sa gabi ikaw at ikaw

Hanggang sa napagdesisyonang

Magpakilala ng pormal ;

Umamin, kinabahan at naging handa

Na ang paghanga ay isinusulong na sa pagmamahal

Pag-ibig na noo’y walang kasiguraduhan

At paninindigan lamang ang pinanghahawakan

Nanligaw, nagtyaga, naghintay

Pumila, naghintay ulit, at naghintay ng paulit-ulit

Rosas, sulat, rosas, sulat

Kasama ang matinding dasal

Na kung iyong mararapatin ay piliin mo sana

Mahal kita, mahal kita, at mahal kita

Dumating ang araw

Na kung saan ang damdami’y naging isa

Na ang mahal kita ay naging mahal na din kita

Na ang sulat ay may bumabalik na

Na ang dasal mo’y dasal na rin nya

Na tamang panahon nalang para maging “ legal “ na

Naglakbay, nagbahagi, pinagsaluhan

Ganito pala ang pakiramdam ng nagmamahal

Punta dito, punta doon, sakay dito, sakay doon

Walang pakielam kung saan man mapadpad

Dahil alam mo na, alam mo na

Na sa tabi parin nya ang destinasyon mo

Na sa kanya padin ang bagsak mo

Naging magaan, komportable

na minsa’y humahantong na din sa awayan

Sumbatan, minsan sigawan

Pero makapangyarihan ang salitang mahal kita

Na syang nagpapakalma sa parehong nadarama

At may unti-unting tinig .. “ mahal din kita “  ang sinasambit

Napapawi, bumabalik ang lambing,

yayakap at maglalaho ang lungkot

Dumating na dumating na

Pagdiriwang ng kaarawan ay sumabit na

Espesyal na araw nya at magiging espesyal na araw namin

Na ang simula ng buhay nya ay magiging simula na ng araw namin

Hinayag, pinayagan, noong ikalawa

Kasama ang pangako na mamahalin sya

Walang katulad, walang kapantay na pakiramdam

Masaya, masaya, masaya

Hindi, may malungkot din pala.

Dahil sa isang araw, sa isang isang isang araw

Ay lilisan na sya.

Iiyak, iiyak, iiyak

Parang hindi ko yata kaya

Iniisip, paulit-ulit

Parang ang hirap

Niyakap, umiyak at pinaramdam

Na parang ayaw mo syang pakawalan

Na kung maaari mong itakas’iuwi ay ginawa na

Na ang naging isa ay bumabalik sa dalawa

Umalis, unti-unting umalis

At unti-unti mo ring pinagmamasdan

Lilingon kaya? Lilingon kaya?

Babalik kaya? Babalik kaya?

Nanalangin ng taimtim

Ingatan nyo po sya, at alam kong babalik

Ilang linggong nalungkot

At hanggang ngayo’y may kakaunti

Nangungulila, napupungaw sa bawat sandali

Humuhiling, hiniling na sana’y nanditong muli

Hinihintay-hintay padin

Ang pagbalik ng aking pag-ibig

Madaming tinadhana, madaming tama sayo

Pero higi’t sa lahat, mas bagay ka dito sa piling ko.

 

Maghihintay ako, maghihintay ako.